గిరిజనుల  మౌలిక  సదుపాయాలపై  ప్రత్యెక ద్రుష్టి

గిరిజనుల  మౌలిక  సదుపాయాలపై  ప్రత్యెక ద్రుష్టి

గిరిజనుల  మౌలిక  సదుపాయాలపై  ప్రత్యెక ద్రుష్టి

ముఖ్యమంత్రి నారా చంద్రబాబునాయుడు
ముఖ్యమంత్రి నారా చంద్రబాబునాయుడు

గిరిజనం సంక్షేమంపై  ముఖ్యమంత్రి  చంద్రబాబునాయుడు  సమీక్ష

గిరిజనుల సంక్షేమంపైనా ప్రత్యేకంగా సమీక్ష జరిపిన ముఖ్యమంత్రి ఏజెన్సీ ప్రాంతాల్లో మౌలిక వసతుల కల్పనపై దృష్టి పెట్టామన్నారు. గిరిజన గ్రామాల్లో సీసీ కెమెరాలు ఏర్పాటు చేయాలని, గిరిజన కుటుంబాలు అత్యధిక ఆదాయం ఆర్జించేలా కార్యక్రమాలు రూపొందించాలని అధికారులతో అన్నారు. గిరిజన ఉత్పత్తులకు మరింత ప్రాచుర్యం కల్పించాల్సి వుందన్నారు. ఆర్గానిక్ సర్టిఫికెట్ లభించిన మొత్తం 13 గిరిజన ఉత్పత్తులు ఆన్‌లైన్ మార్కెట్‌లో సహా వాల్‌మార్ట్ వంటి ఔట్‌లెట్‌లలో లభించేలా చూడాలని జీసీసీ అధికారులకు సీఎం సూచించారు. కాఫీ, పసుపు, జీడిమామిడితో సహా ఏజెన్సీలో కూరగాయల సాగును ప్రోత్సహించాలని అన్నారు. అటు ‘ఎన్టీఆర్ విద్యోన్నతి’ కింద 98 గిరిజన విద్యార్ధులకు సివిల్ సర్వీసెస్ పరీక్షల కోసం శిక్షణ ఇచ్చినట్టుగా గిరిజన సంక్షేమ శాఖ అధికారులు ముఖ్యమంత్రి దృష్టికి తీసుకువచ్చారు. అలాగే ఉభయగోదావరి జిల్లాల్లో ఖాళీగా వున్న 285 ఉపాధ్యాయ బ్యాక్‌లాగ్ పోస్టులను త్వరలోనే భర్తీ చేస్తున్నట్టు చెప్పారు. 28 యూత్ ట్రైనింగ్ సెంటర్ల ద్వారా ప్రస్తుతం 760 మంది యువతకు శిక్షణ ఇస్తున్నట్టు, ఇంకా 13 జిల్లా కేంద్రాల్లో గిరిజన భవన్‌లను రూ.1.35 కోట్లతో నిర్మిస్తున్నట్టు వివరించారు. రూ.12 కోట్లతో జీసీసీ కార్యాలయ భవనం, రూ.20 కోట్లతో విశాఖపట్టణంలో ట్రైబల్ మ్యూజియం నిర్మిస్తున్నట్టు చెప్పారు.
ఎస్సీ, ఎస్టీలకు అందించే అన్ని పథకాలను తప్పనిసరిగా ఆధార్‌తో అనుసంధానం చేయాల్సి వుందని సమీక్షలో ముఖ్యమంత్రి అధికారులకు దిశానిర్దేశం చేశారు. కులం, మతం, ప్రాంతాలుగా సమాజం విడిపోతే రాష్ట్రాభివృద్ధికి ఆటంకం కలుగుతుందని వివాదాలు, విభేదాలు పక్కన పెట్టి ప్రతి ఒక్కరు అభివృద్ధి గురించి ఆలోచించాల్సి వుందని తెలిపారు. మంత్రులు రావెల కిషోర్ బాబు, పీతల సుజాత, ఎస్సీ కార్పొరేషన్ చైర్మన్ జూపూడి ప్రభాకర్, ఎస్సీ, ఎస్టీ ఎమ్మెల్యేలు, ఎమ్మెల్సీలు, ఎంపీలు, ఎస్సీ సంక్షేమ శాఖ ముఖ్య కార్యదర్శి విజయ్‌కుమార్, ఎస్టీ సంక్షేమ శాఖ ముఖ్య కార్యదర్శి సాల్మన్ ఆరోగ్యరాజ్, సోషల్ వెల్ఫేర్ డైరెక్టర్ శామ్యూల్ ఆనంద్, ట్రైబల్ వెల్ఫేర్ డైరెక్టర్ పద్మ, సీఎంవో సహాయ కార్యదర్శి ప్రద్యుమ్న, ఐటీడీఏల పీవోలు సమీక్షలో పాల్గొన్నారు.

NO COMMENTS

Leave a Reply